رواية عشقتها رغم صمتها
الفصل المئة و العشرون 120
بقلم حبيبه
سعاد: بت ياياسمين اصحي ياقلبي علشان تفطري وتنزلي تختاري فستانك ياسو اصحي ياحبيب..... ايه ده انتي صاحيه وانا بقالي ساعه بنادي
ياسمين: ها لا ياماما عادي يعني قلقت بدري وقولة اصلي الفجر ومن وقتها وانا مجاليش نوم تانى...
سعاد: صليتي الفجر
ياسمين: اه
سعاد: ودا من امتى ان شاءلله دا انتي عمرك ماركعتيها.....
ياسمين: ايه ياماما هو حد قالك اني كافره انا بس اكتشفت اني كنت ماشيه في الطريق الغلط وعاميه وفوقت والحمد لله
سعاد: طيب ياختي الحمدلله انك فوقتي المهم يلا علشان تفطري وتخرجي علشان تختاري فستان فرحك ياقلبي ياااااه أخيرا العز دا كله هايبقى ليا....
ياسمين: احم ماما
سعاد: ايه ياحبيبتي
ياسمين: كك كنت عاوزه اقولك على حاجه
سعاد: قولي
ياسمين بأرتباك: كنت عا عاو بصراحه مش عاوزه اتجوز يونس
سعاد: ايييييه مش ايه ياحبيبتي
ياسمين: مش عاوزاه ياماما مش عاوزاه
امسكتها سعاد من يدها بقوه وبغضب: هو ايه مش عاواه انتي اتجننتي يابت انتي بعد كل اللي عملته ده وتقوليلي مش عاوزاه ياروح وهو دلوقتي افتكرتي انك مش عاوزاه
ياسمين: وهو عافيه ياماما
سعاد: اه عافيه وهاتخديه ورجلك فوق رقبتك فاهمه وعلى الله المحك بتنطقي الكلمه دي تاني لا طين عيشتك فاهمه
ياسمين: حاضر ياماما ومش مسامحاكي على اللى بتعمليه فيا ده
سعاد: انشاله عنك ماسامحتيني بكره تيجي وتشكريني بعد ماتتنغنغي في العز وتبقي مرات يونس بيه بجلالة قدرها يلا انجري قدامي واياكي تنطقي بأي كلمه ذي اللي قولتيهم دول فاهمه
ياسمين بحزن: حاضر ياماما حاضر......
سبحان الله وبحمده سبحان الله العظيم
يوسف: جوجو حبيبتي قلبي جوجو روحي انتي يابت ياجميله اصحيييييييي
جميله بنوم: ايييه عاوز ايه سيبني اناام ياعم
يوسف وهو يسحب الفراش من فوقها : اصحي يابت عاوزك في حاجه ضروري
جميله: يوسف ياحبيبي هات الغطا ياروحي واسحب الباب وراك....
يوسف: لأ ومش خارج غير لما تصحي.... قومي بقىىىى
جميله: يوووووه بطل برود بقى يايوسف يلا حبيبي لما اصحى وافوق ابقى قولي اللي انت عاوزه...
يوسف: يابت حاجه تخص اسيا حبيبتك
جميله: مالها اسيا هي كويسه
يوسف: دلوقتي قومتي اخص
جميله: قول بقى يابني مالها اسيا او استنى انا هاقوم اشوفها....
يوسف: ماشي بصي ياستي من غير اي رد فعل متسرع منك تسمعيني كويس ماشي
جميله: ماشي هاسكت قول بقى
#كاد يوسف ان يخبرها بأن عنده بعض الشك بأن اسيا اختها ولكن تراجع في اللحظة الاخيره
جميله: ماتنطق يابني في ايه
يوسف: ها كنت هاقولك البت اسو قعده تحت بقالها ساعه مش راضيه تاكل ومستنيه البرنسيس تصحى علشان تفطر معانا......
قذفته جميله بالوساده في وجهه: طب امشي يلا من هنا امشي
يوسف: ههههههه اهدي يابنت المجانين خلاص
جميله: امشييي
يوسف: طب يلا عشان الغلبانه اللي هاتموت وتاكل تحت دي علي فكره هاتشيلي ذنبها في رقبتك
جميله: ماشي هافوق وهاصلي واجي بسرعه....
يوسف: ماتتأخريش يابت
جميله: هش بقى يامزعج
يوسف: ههههههه ماشي
لا إله إلا أنت سبحانك إني كنت من الظالمين
هبطت سعاد وخلفها ابنتها
سعاد: ههههههه عارفه ياامال طلعت لقيتها ياحبة عيني قعده بتدور علي فساتين لفرحها من فرحتها انها هاتتجوز اللي بتحبه اصلها بتحبه من زمان وماصدقت انهم هايتجوزو.......
امال بهدوء تااام: ربنا يتمملهم علي خير يارب ياحبيبتي
علي بصوت واطي: ربنا ياخدك يابعيده انتي وبنتك
ورد: بس ياعلي عيب
علي: وهما دول يعرفوا معنى العيب دول لو يعرفوا معنى العيب مكانتش سعاد دى تستغل تعب ماما امال ولا حب يونس ليها... تفتكري لو فى عندهم ذرت كسوف كان ده كله حصلنا
#كل هذا ويونس وياسمين يسم
#حزنت ياسمين بشده بسبب ذلك الكلام واخذت تحدث نفسها:
معقوله معقوله احنا كده ومافيش حد طايقنا بس هو انتي هاتكدبي علي نفسك ولا ايه انتي عارفه كويس انك كنتي بتعصي ربنا كتيرر ياااااااه دا انا كنت وحشه اوي اوي معقوله للدرجه دي الناس بتكرهني
#كان يونس يتابعها بصمت ويبتسم...
يونس: ياسمين
ياسمين:.......
يونس: ياسمين ياسمين
ياسمين: نعم
يونس: مالك
ياسمين: ماليش انا بخير
يونس: متاكده
ياسمين: اه اه بخير الحمدلله شكرا على سؤالك
يونس: العفو ياقمر
#ثواني واعلن هاتف ياسمين عن اتصال فأغلقته بسرعه وخوف
لاحظ ذلك يونس...
امال: مالكم ياولاد بتتودودو علي ايه
يونس: ابدا ياماما اصل باين ياسمين تعبانه ولا حاجه ولا يمكن زعلانه اننا هانعمل الفرح بعد بكره..........
ياسمين: بعد بكره
يونس: اه بعد بكره وان شاءلله
هاننزل بعد الفطار نشوف الفستان
ياسمين:.....
يونس: ياسمين انتي كويسه يابنتي لو حاسه بتعب ممكن اخدك اكشف
ياسمين: لأ لأ انا بخي...
سعاد: ماتقلقش يابني هي بس علشان كانت صاحيه بدري شويه فا منامتش كويس...
يونس: امممممممم ماشي
سعاد: تصوري ياامال ياختي روحت اصحيها ياحبة عيني علشان تفطر معانا لقيتها ساجده علي سجادت الصلاه وبتشكر ربنا انه جمعها مع حب عمرها يونس
يونس: والله ايه ده يعنى انا حب عمرك ياياسمين
ياسمين: ها
يونس: ها ايه بقولك انا حب عمرك
ياسمين: هو احنا مش هانروح نشوف فستان الفرح..
يونس: اه طبعاً طبعاً تحت امرك
وقت ماتحبي..
علي برفعة حاجب: يونس ياحبيبي انت كويس
يونس: اه الحمدلله
علي: ممتاكد انك بخير يابني
يونس: اه في ايه ياض
علي: ها لا لأ ابدا
يونس: ماشي ها القمر بتاعتنا تتفضل
ياسمين: بتكلمني انا
يونس: طبعاً ياجميل
علي: احيه لأ الواد ده فيه حاجه
يونس: ههههههه يابنتي قومي يلا بينا
ياسمين: حاضر
لا حول ولاقوة الابالله العلي العظيم
ظل ياسر فكره شارد في كلام مدام كوثر
ياسر: امممم ياترى مين دي ياترى مييين ايه ده صح هي وهو انا ليا تاريخ اسود غيرها لو طلعت هيا السبب نهايتها هاتكون علي ايدي......
#امسك ياسر هاتفه...
سهى: حبيب قلبي وحشتني ياياسو
ياسر: انتي فين
سهى: ليه ياقلبي وحشتك ليالي زمان ولا ايه (ثم اطلقت الاخت سهى الفاضله ضحكة تجيب بوليس الاداب لحد عندها)
ياسر: طبعاً دا انتي وحشاني جداً اخلصي قولي انتي فين
سهى: في البار يابيبي
ياسر: ثواني وجايلك
سهى: ل...... ايه ده هو قفل في وشي مش مهم المهم انه حن ورجعلي تاني وساب الحربوقه اللي عنده دي ههههه
اللهم اشغلني بما خلقتني له وامرتني به ولا تشغلني بما خلقته لي اللهم اني اعوذ بك من قلبآ في الصلاة لا يخشع وعينآ علي ذنب لا تدمع ونفسآ مم الدنيا لا تشبع
ذهب يونس ومعه ياسمين لتختار فستانها...
يونس: ها ياجميل قدامك المحل اهو مع نفسك بقى اختاري وعرفيني
ياسمين:......
يونس: ياسمين يابنتي
ياسمين: ها نعم
يونس: ايه اللي واخدك مننا ياحلوو
ياسمين: لأ ولا حاجه انا معاك اهو
يونس: ياسمين انتي متاكده انك عاوزه تتجوزيني
ياسمين: ها اا اه اه طبعاً...؟
يونس: ياسمين لو في حاجه مخبياها عني ممكن تعرفيني وانا اوعدك هساعدك ومش هاسيبك لوحدك
ياسمين: ها قصدك ايه
يونس: لأ ابدا ماقصدش حاجه
ياسمين: لأ انا بخير يايونس وتسلم علي سؤالك بس ممكن اسال سؤال
يونس: اتفضلي
ياسمين: هو انا كنت وحشه اوي معاكم الفتره اللي عدت دي
يونس: الصراحه كنتي انتي وامك لا تطاقوا بس قوليلي ايه غيرك كده فجأه
ياسمين بسرحان: ربنا سبحانه وتعالى ارسلي اللي فوقني
يونس: ومين بقى اللي فوقني
#استوعبت ياسمين ماقالته: ها قصدي يعني ابتلاء فوقني خلاني اعيد حساباتي وعرفت ان طريق ربنا سبحانه وتعالى جميل اوي ومريح رغم التعب في الاول بس التعب جميل ومحبب الحمدلله يارب الحمدلله...
يونس: بسم الله ماشاء الله بقيتي جميله اوى ياياسمين طيب مش بتفكري في الحجاب هاتبقي قمر فيه
ياسمين: تفتكر هاعرف احافظ عليه كما اراد الله لي
يونس: مادام فيكي نفس ولسه في الحياه يبقى هاتغلطي بس المشكله مش هنا لان مادام جواكي ضمير خايف من الذنب ده وبيندم عليه يبقى فى امل تبعدي عن الغلط ده المره الجايه المصيبه انك تبقى عارف الغلط وتعمله ومابتندمش عليه وتقولي ربنا غفور رحيم
ياسمين: يعني هيسامحني علي جسمي اللي كنت ببينه واغلاطي اللي فاتت
يونس: مادام عرفتي غلطك وقربتي من ربك هيسامحك رحمة ربنا سبحانه وتعالى موجوده بس منتظر مننا نبداء بالخطوه
ياسمين: خلاص ماشي انا ان شاءلله هالبس الحجاب... وهاصلي وهاقراء قرءان وهافضل استغفر ربنا سبحانه وتعالى في كل ساعه وكل دقيقه وكل ثانيه
يونس: ربنا يثبتك ياقمر المهم اختاري وانا هاستناكي لحد ماتخلصي
ياسمين: خلاص ماشي
#اخذت ياسمين تتجول في المحل حتى اختارت فستان واعجبها فأخذته وذهبت لترتديه لترى ان كان مقاسها ام لا....
#مرت دقايق والتقت بيونس
يونس: ها القمر خلص ولا لسه
ياسمين: اه خلصت عجبني فستان وجبت حجابه وكل لوازمه
يونس: ايه مش هاتبيني شعرك ذي اللي البنات بتعمله دلوقتي في الافراح
ياسمين: لأ ماهو يااما البس الحجاب واحترمه يااما مالبسوش خالص....
يونس: غلبتيني ماشي ثواني هحاسب واجي
#ثواني وجاء اليها يونس وهو يحمل ثلاث حقائب
ياسمين: ايه ده انا فاكره اني جبت شنطتين بس اومال دول ايه....
يونس: ها لا دول تبعي انا اشتريت شوية حاجات عجباني....
ياسمين: خلاص ماشي يلا بينا
يونس: يلا
لا إله إلا الله وحده لا شريك له له الملك وله الحمد وهو على كل شيء قدير
انتهى يوسف وجميله واسيا من الافطار
اسيا: الحمدلله
يوسف: الحمدلله جميله ممكن ياقلبي كوباية قهوه معلش
جميله: قهوه ومن ايدي انت كويس يايوسف
يوسف: اه بخير ليه
جميله: اصلك عاوزني اعملك قهوه وانت عارف اني مش بعرف اعملها حلوه...
يوسف: بصراحه جايه علي بالي ياستي انا حابب انتحر انتي مالك
جميله: والله براحتك عمومآ هافضل مجهزه رقم الاسعاف
يوسف: ههههههه ماشي يلا روحي
جميله: ماشي تشربي يااسوا
اسيا: ماشي بس اعمليها بلبن
جميله: ماشي ثواني وجايه ري.
يوسف: اسيا عاوزك في حاجه مهمه بس الله يخليكي جميله ماتعرفش دلوقتي انا حبيت اعرفك علشان انتي مش هاتتهوري في الفعل المهم تكوني هاديه وتسمعيني للاخر تمام
اسيا: قلقتني في ايه
يوسف: خير بأذن الله بصي بصراحه انتي حكيتي قدامي من فتره قصتك واللي حصل لاهلك زمان وعن اختك الصغيره اللي ضاعت فجأه واتفرقتوا وجميله حكت اللي حصلها من وهي صغيره ونفس الكلام اللى قالته هو نفس كلامك وكمان هي بالصدفه فى سلسله انتي بتخبيها تحت الهدوم بالصدفه والله العظيم طلعت بره الهدوم مره وانتي خبتيها بسرعه بس لجل الحظ انا شوفتها وهي هي نفس اللي جميله لابساها
اسيا: يوسف وضح قصدك علي طول
يوسف: بصي بصراحه انا شاكك ان جميله هي اختك الصغيره اللي اتفرقت عنك وانتم صغيرين
اسيا: انت بتقول ايه
يوسف: اهدي يااسيا ارجوكي انا بقولك شاكك وكنت حابب تساعديني بس علشان نتاكد
اسيا بدموع: معقوله تكون هيا ياريت ياريت معقوله هي اختي اللي بعدت عني معقوله يارب يارب
يوسف: اسيا ارجوكي اهدي جميله ممكن تيجي في اي وقت وانا مش عاوزها تعرف غير لما اتأكد من شكي فأارجوكي ساعديني...
اسيا:وانا هساعدك اذاي
يوسف:بصي انا بس محتاج منك عينة دم وانا هحاول اخد عينه من جميله من غيرماتعرف والباقي على الله ثم عليا واللي فيه الخير يقدمه ربناان شاءلله
اسيا:ان شاءلله
اللهم صلِّ وسلم وبارك على سيدنا محمد
مرت نصف ساعه حتى وصل ياسر لسهى اخذ يبحث عنها لم يجدها ثم وبدون اي يسأل احد صعد لاعلى البار فاهو فوقه شقه تسكن بها هي.....
#اخذ ياسر يبحث عنها وينادي بأسمها لم يجدها ثواني وسمع صوت مقرف لها يخرج من غرفة نومها وبدون تفكير حطم الباب بقدمه..
وجدها في وضع مخل مع رجل
ياسر بأبتسامه: ههههههه والله ماانتم متحركين من مكانكم يرضيكم اضيع الحظ العسل ده من ايدي
#جاء الرجل ليتحرك فااخرج ياسر مسدس من بنطاله ووجه نحو الرجل...
ياسر: ارجع مكانك يلا وماتلعبش بعداد عمرك يلاااا
الفصل المئة و الواحد والعشرون من هنا
لقراءة جميع الفصول الرواية من هنا