رواية أنت عوضى
الفصل الرابع
بقلم عشق
الاب : حيلك حيلك ايه دا كله دا انتي ناقص تقولي فيه شعر باين عليه عجبك اووي
اميرة : هو مش اعجاب بيه هو انا معجبة بطريقة معاملته مع الموظفين وانه متسامح لابعد الحدود
الاب : ربنا يوفقك ي بنتي ويعوضك عن كل اللي شوفتيه مع الحيوان التاني
اميرة : انا مش عاوزة اتكلم عنه ي بابا
الاب : اللي انتي عاوزاه ي بنتي ادخلي نامي وارتاحي عشان الشغل
اميرة : اه والله ي بابا نفسي ارتاح الشغل متعب اوي
الاب : ربنا معاكي ي بنتي
اميرة وانا ببوس دماغه : تصبح علي خير
الاب : وانتي من اهله ي حبيبتي
دخلت نمت بسرعة لاني انا تعبت النهاردة وخصوصا انه اول يوم ممكن بعد كدة اتعب بس مش زي النهاردة علي حسب التعود
اما عند المدير (ياسين ) فكنت قاعد بشتغل لحد ما دخلت عليه اختي لقيتها بتبتسم ابتسامة انا حافظها كويس
ياسين : تعالي ي اية اقعدي
قعدت قدامي وسالتها : عاوزة ايه بقي
آية : عرفت ازاي انا لسة منطقتش بحرف
ياسين بابتسامة : انتي بنتي مش اختي وانا اللي مربيكي وعارفك وحافظك
آية : الصراحة ي ابيه يعني هو يعني
ياسين : قولي ي آية انتي عارفة اني لا يمكن ازعلك
آية بسرعة : عاوزة اروح الرحلة بتاعت الجامعة
ياسين : اه رحلة قولتيلي وانتي عارفة رايي في الموضوع عشان كدة متوترة صح
آية : صح والنبي ي ابيه المرة دي بس لان صحابي كلهم طالعين ونفسي اروحها
ياسين : وانا موافق بس عندي شروط لازم تسمعيها
آية : اتفضل
ياسين : اول حاجة ملكيش دعوة بالشباب اللي هناك فاهمة ملكيش دعوة باللي صحابك بيعملوه
آية : بقي كدة ي ابيه انت عارف اني بتاعت الكلام داه انا مصاحباهم بس مليش انا في عمايلهم
ياسين : انا واثق فيكي ودا اللي خلاني اوافق اطلعك الرحلة
اميرة : وايه الشرط التاني
ياسين : انك تتصلي بيا دايما وتطمنيني عليكي
آية : موافقة
ياسين : التالت والاهم انك تخلي بالك من نفسك كويس
آية : متقلقش ي ابيه انت عارف اني اقدر احمي نفسي كويس اوي
ياسين : ودلوقتي اتفضلي روحي نامي عشان الجامعة
آية : تصبح علي خير
ياسين : وانتي من اهله ي حبيبتي
طلعت آية وسابتني رجعت لشغلي بس فجاة جات في بالي اميرة مع انه اول يوم ليها بس قدرت تكسب حب الكل ليها واثبتت ان الواحد يقدر يعتمد عليها وبيني كدة من الكل اللي اتكلمت عنهم رجعت للشغل وانا بفكر في اللي هيحصل بس قولت ( اللي فيه الخير ربنا يقدمه ) بصيت علي الساعة لقيت الوقت متاخر فروحت نمت
تاني يوم صحيت بدري جهزت الفطار وناديت بابا وماما
اميرة : صباح الخير
الاب : صباح النور ي حبيبتي
اميرة : وانتي ي ماما مش هتصبحي عليا
الام : لا ازاي هصبح عليكي طبعا صباح الخير ي مقصوفة الرقبة
اميرة : هو انا ضرتك واللا اي مش فاهمة انا
الاب : بطلي لماضة واقعدي كلي
قعدت فعلا وبدانا اكل خلصنا فطار وكنت لسة هطلع اروح الشغل لقيت الباب بيخبط فتحته لقيته تامر وباين عليه السكر
اميرة : انت ايه اللي جابك هنا
تامر : ..........