رواية أنت عوضى
الفصل الثامن
بقلم عشق
ياسر : امشي ازاي وقدامي الحلاوة دي
آية : يلا عشان منتاخرش
ياسر : انتي تؤمري ي قمر
اميرة : ي جماعة هنتاخر يلا
ياسر : ي ساتر عليكي مستعجلة علي ايه
اميرة : عشان انا ورايا شغل وهتاخر عليه ي خفيف
آية : ايوة ياريت نمشي عشان انا مستعجلة
ياسر : يلا
اميرة : ي سلام اشمعني دلوقتي
ياسر : بس ي بت اركبوا يلا
آية : هو فين السواق
ياسر : انا السواق
آية : انت متاكد
اميرة : ايوة هو نفس صدمتي اول ما عرفت
ياسر : مش انتو كنتو مستعجلين
اميرة : اه يلا
ركبت انا وآية وهو ساق ومشينا بعدها بشوية وصلنا مول كبير ودخلت انا وآية وياسر فضل برة فضلنا كتير اوي لحد ما آية اشترت كل اللي هي عاوزاه واستغربت لما لقيتها جايبالي هدية فتحتها لقيتها فستان جميل جدا انا طبعا رفضته لكنها صممت اني اخده الحقيقة انا حبيتها اوي هي طيبة ومرحة وتجبرك تحبها غصب عنك اشترينا الحاجة وطلعنا لقينا ياسر نام في العربية
اميرة : ياسر ي ياسر اصحي
ياسر : ياه اخيرا جيتوا دا انا عملت حسابي اني هبات في العربية هنا
اميرة : بطل زن وتعالي افتح العربية نحط فيها الشنط
ياسر : اه ما انا الخدام اللي جاي معاكو
اميرة : بطل رغي وانجز الشنط تقيلة وآية ايدها وجعتها
ياسر بسرعة : الف سلامة عليها انا نازل اهو
اميرة بهمس لآية : شكله واقع علي وشه اول ما قولتله اسمك نزل
ياسر : بتقولي ايه ي مصيبة انتي
اميرة : مبقولش دا انا بعطس
ياسر : مع اني شاكك في العطسة دي بس يلا حطو الشنط عشان نمشي واه ياسين بيقولك لما تخلصي روحي علي طول هما خلصو في الشركة
اميرة : تمام
ركبت انا وآية وهو ساق وصلني انا الاول البيت وبعدين كمل مع آية دخلت البيت لقيت ماما في المطبخ ناديت لها
اميرة : ماما حبيبتي ي ست الكل
الام : ايه اللي رجعك ي بت دلوقتي
اميرة : الله هو انتي ليه مش زي الامهات بتفرح لما بتشوف اولادها
الام : ما انا بشوفك كل يوم افرح بشوفتك ليه
اميرة : انتي مش امي اكيد
الام : فعلا انتي مش بنتي انتي بنت الشغالة اللي جابها ابوكي
اميرة : انا بس ناديت لكي عشان اقولك اني هدخل انام شوية لحد ما بابا ييجي من الشغل
الام : اتخمدي ي اختي انا عارفة ايه اللي جابك بدري
اميرة : من حبي ليكي وحشتيني
متستغربوش معاملتها ليا دي اكتر وحدة بتحبني وعشان انا عارفة دا بسيبها تقول اللي هي عاوزاه بس الحقيقة هي عندها حق دا انا كنت مطلعة عيناها
قبل الجواز المهم دخلت الاوضة نمت بهدومي لاني كنت هلكانة ومش قادرة بجد مصحتش غير علي صوت ماما وهي بتصحيني علشان العشا غيرت هدومي الاول وطلعت لقيت بابا قاعد وماما بتحط الاكل
اميرة : مسا مسا ي كبير
الاب : مساء النور ي حبيبتي
اميرة : بابا ماما بتقولي اني بنت الخدامة دا صحيح
الاب : للاسف اه
اميرة : الله يعني انا هكون زي سلوي في مسلسل العصيان
الاب : انتي ايه اللي فكرك بالمسلسل دا دلوقتي
اميرة : انت عارف انا بحبه اووي
الاب : بطلي لماضة وكلي واكمل بهمس لان امك مش طايقاكي وهتيجي تهزقك وباين مش انتي لوحدك
اميرة : ماشاء الله ي بابا باين عليك مسيطر اوي
الاب : بنت اسكتي قصدك ايه
اميرة : مش قصدي حاجة طبعا يلا عشان الاكل هيبرد
الاب : مش يلا ي ام اميرة الاكل هيبرد
الام : جاية اهو بس هخلص اللي في ايدي
اميرة : بابا انا بقول اروح بكرة لتامر واشوف هعمل ايه معاه والاقي حل
الاب : طب وشغلك ي بنتي
اميرة : هاخد اجازة ساعة وهروح انا خايفة ليعملي مشاكل وانا مبقتش مستحملة
الاب : اللي يناسبك ي بنتي اعمليه انا معاكي لاني متاكد انك مش هتغلطي
اميرة : شكرا بجد ي بابا ثقتك فيا هي اللي بتشجعني
الام : ايه الحب دا كله
الاب : مش بنتي الوحيدة ربنا يخليهالنا
اميرة : حبيب جلبي من جوة جوة جلبي
الام : بت دا جوزي علي فكرة
اميرة : ودا ابويا علي فكرة
الاب : وانا معرفكوش انتو الاتنين
اميرة والام : بقي كدة طب والله ما انا واكلة
الاب : ماشاء الله انتو الاتنين احسن توفروا انا هاكل
عند ياسين كنت قاعد في المكتب دخلت عليا آية وهي مبسوطة
آية : بقولك ي ابيه السكرتيرة بتاعتك دي حلوة اوي انا حبيتها
ياسين :مش قولتلك
آية : هو ياسر بيشتغل عندنا من امتي
ياسين : النهاردة اول يوم ليه
آية : اصل يعني انا مش مصدقة انه سواق
ياسين : هو انتي مهتمية بيه كدة ليه
آية : ...........